|
 Inicio -
Gastronomía -
Productos
Productos
 Pontedeume posúe unha tradición gastronómica propia, na que inflúe a súa situación xeográfica, entre o mar e o río. Así, do mesmo xeito que o resto da cociña galega concédese un importante protagonismo ao marisco da ría (sobre todo a ameixa) e ao peixe de mar, especialmente ás sardiñas. Con ela elabóranse os "bistés dá marola" -sardiña aberta, curtida ao sol e pasada polo ferro- e os "parrochos do fume" -sardiña aberta e afumada-, que se adoitan acompañar de castañas asadas. Outras especies como xardas, robalizas ou meigas tamén son de consumo frecuente. Con todo, son os reos e salmóns collidos no río Eume -sobre todo no pasado- polos que era coñecida a cociña eumesa.
No século XVIII os reos do Eume converten á Vila na provedora do único peixe de auga doce proveniente de Galicia que se consumía na Casa Real.
 Mensualmente de xuño a setembro enviábanse ao palacio de La Granja tres remesas de reos e salmóns que eran transportados por correos reais dacabalo en tan só tres días.
Na actualidade, no Eume existe un coto de pesca pero a pesar das repoboacións, o número de capturas foi descendendo paulatinamente.
< Voltar
atrás ^
Ir arriba
|
